ភ្នំពេញ៖ សមាជិកព្រឹទ្ធសភាមកពីគណបក្សប្រជាជនកម្ពុជាដែលមានងារជាឧកញ៉ាផងនោះលោក លី យ៉ុងផាត់ ត្រូវបានព្រះមហាក្សត្រត្រាស់បង្គាប់តែងតាំង និងផ្ដល់ឋានៈជាទីប្រឹក្សាផ្ទាល់នាយករដ្ឋមន្ត្រីកម្ពុជាសម្ដេចតេជោ ហ៊ុន សែន។
ការតែងតាំងនេះគឺតាមរយៈព្រះរាជក្រឹត្យដែលព្រះមហាក្សត្រទ្រង់ឡាយព្រះហស្ថលេខា នៅថ្ងៃទី៦ ខែធ្នូ ឆ្នាំ២០២២។
លោក លី យ៉ុងផាត់ កើតនៅខេត្តកោះកុង ក្នុងប្រទេសកម្ពុជាក្នុងឆ្នាំ១៩៥៨ លោកបានក្លាយជាអាជីវករក្នុងទស្សវត្សរ៍ឆ្នាំ១៩៨០ ហើយទីបំផុតនាំឱ្យគាត់ក្លាយជាពាណិជ្ជករ និងជាទីប្រឹក្សាធុរកិច្ចក្នុងប្រទេសនៅឆ្នាំ២០០០ រហូតមកដល់ពេលនេះ។ ក្នុងឆ្នាំ២០០៦ លោកបានជាប់ឆ្នោតជាសមាជិកព្រឹទ្ធសភានៃរដ្ឋាភិបាលនៃព្រះរាជាណាចក្រកម្ពុជា៕
